今集講黑歷史，都真係諗好耐先講到，唔係因為冇貨，而係因為太多歷史黑到講唔出口，所以諗爆頭先篩選到啲稍為出到街嘅故事（不過最後正式出嘅podcast都係剪走咗好多😂）。
其實一個人分唔分享到自己嘅黑歷史，某程度上反映緊有幾接納自己。而家望返10年前嘅自己，少不免會為住以前衝動講過嘅說話、做嘅事而後悔，好唔想俾人知道自己曾經咁蠢，又怕俾人笑。
雖然我呢刻未可以坦然講好多，但可能再過多10年，又開始體諒到以前年少輕狂、少不更事嘅自己，最後一笑置之咁同人講：「驚咩吖！係人都__過架啦，而家學精咗咪得囉！」，再同其他主持一齊出過集究極版黑歷史podcast。
Kayan