各位師奶,一年一度嘅先施,不,黑色星期五大減價又黎啦!每年去到呢個時候,英國各大小企業都會瘋狂減價,亦都係我呢啲師奶將平日儲埋嘅錢,一氣排洪嘅時間。呢個時間最開心嘅人,應該就係我老公。因為在平日99%嘅時間,佢提議買任何野,都會被我駁回,只有呢一個星期,佢可以好似觀音借庫要幾多有幾多。


當然,如果淨係買商家折扣嘅貨品,也就太不過癮了。師奶鍾意嘅並唔單止係嗰種一口氣七折、半價嘅快感,而係嗰啲咩買夠£50免運費、買夠£100再95折,呢啲小恩小惠尤如蛋糕頂上嘅櫻桃、山竹牛肉嘅腐皮,先係令人高潮之所在。


每個師奶都有佢嘅G點,有人係信用卡現金回贈、有人係cash back網站,而人妻先生呢… 係義工福利會🤡 英國嘅消防、軍人、醫護等等嘅緊急前線人員,都可以加入一個叫Blue Light 嘅藍燈會,呢個福利會嘅好處,在於好多折扣— Starbucks Costa 呢堆cafe 9折是基本,最正係可以用特惠價買e-gift card ,好似人妻先生睇中左部電視,原價£450,Black Friday £420,再用e-gift card折扣5%就再慳多£20,簡直係一秒高潮呀 🤡🤡🤡


我成日都叫大家平日要多做義工,幫到人好開心之餘,自己也會有得著。有讀者朋友黎到英國後,找工作有困難,結果睇完我啲文之後去左做義工,識到個朋友介紹佢去做野,結果依家有份全職工作了。


這個原理很簡單,因為大家會assume做義工嘅人,通常都會比較能吃虧、也比較善良,如果大家合作幾次後,覺得呢個人ok、可以一齊做野嘅話,當然會優先拋出橄欖枝了。


我再講多一次:幸福是付出多少,就會回來多少的一回事。


#唔好做塵duck刪那種只會飲飲食食的港豬

#來到英國你會發現自己比想像中更強大 

#因為這裡的舞台很大

#你有能力一定會閃閃發亮的