終於順利完成4場多倫多專場放映。可以咁順利，實在有賴大家嘅支持，要多謝嘅人實在太多，總之就多謝你哋啦！
經過呢4場放映會之後，想响度總結一下自己嘅感想，可能有啲長，睇哂嘅朋友，比個❤️你哋先😂！
由開始想搞放映會，經歷lockdown、搵唔到場地、到諗住搞戶外放映、再到最後終於開返戲院，可以入戲院睇，成個過程話短唔短，話長唔長，最後比到強心針我嘅，係溫哥華嗰邊對放映嘅熱烈反應，更重要嘅係阿Joe嘅一句：「我有預感你啲飛會好快賣晒！」聽完呢句我覺得自己好似已經賣哂啲飛咁😂…..然後就係同場地聯絡、試片、搞賣飛system、宣傳、加場、追contract…..一直去到第一場放映，到最後一晚嘅座談會。整個過程，除咗係個場地同兩套戲係一樣之外，每一場嘅觀眾、每一場發生嘅突發事、大家討論嘅角度、都唔一樣，正正係咁，每一場嘅放映，都變得如斯獨一無二！
我相信，每一位觀眾，响入場前都可能帶有唔同嘅期望去睇呢兩套紀錄片，看完後，或感動、或悲慟、或憤怒、或無奈…..然而，希望這兩套紀錄片，除了帶給大家這些感受之外，更重要的是彌補了某部份我們不知道的事實，好比拼圖一樣，歷史就是靠這些片段拼合，成為一個立體的史實，感激大家成為這段歷史的其中一位見證者。
最後，希望不久嘅將來，會再有加場，又或者可以响多倫多繼續同大家分享其他香港電影。總之，請繼續留意我哋Toronto HK Club多倫多香港會，以及HongKonger Station 香港台，仲有各同路人嘅page同活動。
Do what you can do 勿以善小而不為，香港人，加油！
