話說人妻先生咪話搵緊屋搬嘅？咁我地上星期就出offer，業主係接受左，連訂都俾埋，咁諗住實無死啦，點知呢個世界真係煮熟隻雞都可以飛上天…
炒左。
點解呢？事緣係呢個landlord 真係好19，未租之前要約見面interview，睇下佢鍾唔鍾意你「能否發展長久關係」。等一下，你是找租客還是找老公，要不要我「一次性交一年租金」？重點係我又唔同你share house，間屋我住晒，我地唔需要夾架wo… 咁都算啦，人妻先生出名interview之王，同我見過面嘅從未試過彈鐘，咁我咪去interview囉…
點知講講下，突然間佢問租約，咁正常都係一年死約，加一年生約可以和平分手，我由於真係唔想再在買屋前搬黎搬去，就答佢兩年死約大家不離不棄。點知佢臉色一沉，話佢想搵四個月死約，大家試左ok再加8個月生約，然後再加12個月生約，咁樣兩年租約…
我心諗：你係咪on9架？你四個月之後踢我走，我去時又再搬過屋呀？
然後個agent 話，咁樣對大家都公平，如果唔夾就可以提早結束。
我心再諗：連你都係on9架wo… 屋主同租客搬遷嘅成本根本差好很遠好不好？屋主隨時踢人走，仲可以租接租無縫交接，我地起碼都要新舊屋overlap租一至半個月，而且搬屋花氣力花時間仲好大壓力。公平？你老母就平 🥴🥴🥴
去到最尾，原本講好一年死約一年生約，諗住ok啦… 臨走時個landlord話要用佢地嘅私人合約，而不是agent的常規合約，咁都算啦你鍾意啦，點知第二日收到嘅合約，又係四個月死約，咁你擺明係想陰我姐？
我地企硬要兩年死約，不然就拉倒。原本我不會企得這麼硬，但這個業主真的太有一副「一言不合就踢客」的架式，而且仲要咁陰濕，更不用說佢未起租已經要求多多，起左租四個月死約之後，佢可以提出任何無理要求，倒如隔星期探訪、視察，甚至加租等等，你拒絕嗎？佢就斷你租「建立唔到關係」，到時候又要搬屋真係欲哭無淚。
結果尋日又再睇過屋，重新出發睇左第一間，嗯，又覺得ok wo… 今日直接落offer，希望一擊即中。依家倫敦樓市，起碼我呢區其實好差，我同一個區閒閒地十分鐘步行圈內，有超過30間物業搵緊租客。我呢啲對於房子沒什麼要求，既沒小孩也沒寵物的中產同志家庭，找地方住超級容易的～
#到底咩人先會咁on9接受呢種offer
#反正我同現任業主關係很好
#佢叫我就算一月先走都ok架
#梗係啦我住左兩年自己俾錢整好左佢個浴室
#每兩星期有專業姐姐黎清潔
#連佢啲霉菌都搞掂晒
#佢間屋越租越靚
#除左晚上睡房比較嘈之外
#真係無野好投訴
#我指發開口夢好嘈
#唔好誤會