今日又到左每年一度上司大人相愛相殺嘅year end review… 🤡🤡🤡
事實上，我同上司大人嘅關係還是那種「既是朋友也是競爭者」。佢開場第一句，就係叫我講下自己呢一年有咩成就。我用 #華人的心 去諗佢：呢啲擺明係搏我先講自己做左啲咩係好嘅，然後佢挑骨頭踩落黎，再一口氣數落去，反正你最強嘅牌都打出左，駁回再踩落去真係勢如破竹，很容易數到你一無是處。
我好謙虛地講左三個我做得唔錯嘅project(留返最好嘅一個冇講，作為last card嘛)。然後… 佢一口氣如數家珍咁講晒我一年內做過所有嘅project，甚至有啲我自己做完都唔記得嘅，佢都講埋「全部都做得很好，你太低估自己了」—— 他是這樣說的。
呢鋪我係小人之心度佢君子之腹吧…
還記得兩年前，我跟他提過升職，他當時給我的答案是「我看不到你獨當一面的能力」。從此我就開始摸索什麼是「獨當一面的能力」。
事隔兩年，也由於團隊的工作越來越多，他不得不放下一部份工作給我，然後到了今年，他近乎把整個系統都交給我了。
「我開始時很擔心，但你用行動證明了我的擔心是多餘的。」
老實說，也不是什麼大件事，只是在這一年內，出現了無數大小狀況，而我都一直有條不紊地跟他匯報、跟IT team合作，還有使出我最擅長的 #人工智能，即係我收人工，就使出智能人手搞掂佢—— 臨deadline 前拉IT team做，然後IT team做唔晒我再包底做晒佢。我作為一個 #獅子山精神病康復者 ，一秒發作自己瘋狂OT、OT再自己OT係絕對無問題。
總之我應承會做嘅，使命必達。到左後期，佢發現只要佢唔掂啲project，交俾我做就會準時交到功課🤡
咁佢負責啲咩呢？匯報、搵資源、同compliance傾，擋其他部門啲屎… 簡單來說，就是讓我心無旁騖地領軍9衝deadline ，呢方面我地配合得好好，所以呢一年啲project好靚仔，甚至隱約出現其他部門都想將啲IT野交俾我地兩個處理。咁當然… 幫你手可以架，但要識做呢… 🤑🤑🤑 你出budget，我地請人幫你去搞囉…
銀行呢… 成日都係成千萬搞個系統出黎，但搞完係無人管理，結果無人用就擺埋一邊煲醋，呢件事我前年已經同上司大人講過，只要我地可以拎到全英國，甚至全世界marketing & communication 系統的營運權，到時候真係可以打橫黎行…
所謂的「野心」嘛，就像一顆種子，一旦埋下了泥土，遇到遇當的時候就會發芽。我給他灌了整整兩年迷湯，他似乎終於覺醒，並找到方向了 🥰🥰🥰
#上司大人生性病人妻感安慰
#佢擴大條team我先有位上嘛
#咁樣搞法可能出年有職升
#不過冇得升都算啦
#最緊要有多啲手下
#我要請大隻洋腸
#然後命令佢對我做好多人神共憤的事情 🤡🤡🤡