2020係食足屎既一年。
我都算係比較報喜不報憂既人，所以有好多人會覺得我係英國好似撈得好好，但我只會話係穩定，而且係好辛苦捱過黎。
.
好記得當初年半前決定黎英國既時候，有個親戚打左比我阿媽，足足講左兩個鐘電話，就係為左勸佢唔好比我去英國，因為佢覺得我一個廿幾歲女仔會餓死/捱唔住/搵唔到野做。
我當時好嬲，因為我為左令老母放心比我黎英國，係呢幾年做左好多野去證明我既獨立，例如係一個人出左N個trip，帶埋老母去澳洲旅行行程住宿一腳踢等等。
.
所以當初好勝既我就決定一定要證明自己去英國唔會餓死。仲好記得當日阿媽送我去機場，喊得好厲害，流既眼淚充滿不捨同唔放心，當下都有啲內疚，令我決定係英國更加要努力等阿媽放心。
.
估唔到咁就差啲立flag，中間lockdown既時候真係好想返香港，又無錢又無工返仲爭啲要訓街，心諗仆街唔通真係立flag。
.
最後係英國經歷食足屎既一年，先有依家比較穩定既生活仲可以幫到大家，但慶幸唔食屎都唔發現身邊有咁多愛我既人而且個人都升lv左唔少，所以呢一年雖然難捱，但都感恩！
.
所以有人問我點解唔收錢幫咁多人，又幫手搵工又覆問題，因為我經歷過都知道唔容易，當時都好絕望，曾經有人同我講，依家我有經驗就去幫你，第日你有經驗記得去幫返其他人。
人地話移民第一年係最難捱，而我捱過左喇！！！！
.
新一年願望係自己可以做得更好，等媽媽更加放心佢個女自己一個係英國闖蕩
來年繼續靠大家照顧 :D