作為Popcorn Movie其實係OK嘅,不過困獸鬥由列車轉變為一個半島,咁嘅設定就注定冇前一集咁緊張。


不過有趣嘅係對於南韓編劇嚟講,香港仍然係一個魔都,我哋華洋集處,為嘅仍然係錢。為咗錢我哋叫啲廝殺生還者返去攞,哩個就係故事嘅開始。


有嘢讚嘅係幾場車戰,係幾刺激嘅,尤其係整個安排調動,姐姐仔嘅揸車狠辣可見一斑。可惜嘅係前一集大家激讚嘅感情位到咗今集反而係致命傷,既單薄又片面,不過襯托起香港戲院重光,作為紀念睇啲官能刺激電影,未嘗不為一項極好娛樂。